Nagapati si dating presidential spokesperson Salvador Panelo nga indi maubusan it posibleng kandidato ro kampo ni Vice President Sara Duterte sa 2028 presidential race engkaso nga masentensiyahan imaw sa impeachment trial ag madiskuwalipikang magbuyot it anumang pampublikong posisyon.
Suno kay Panelo, kaibahan sa mga posibleng alternatibo si Davao City Mayor Sebastian “Baste” Duterte, manghud it bise presidente.
Ginmitlang man nana sanday Senador Robin Padilla ag Senador Christopher Lawrence “Bong” Go bilang iba pang posibleng kandidato.
Samtang, ginpahayag ni Panelo nga kun indi man masentensiyahan si Duterte sa impeachment trial, kumpiyansa imaw nga magadaog ro bise presidente sa presidential elections sa 2028.
Sa pihak kara, nakadepende sa gihapon ro anang magiging political future sa magiging resulta it pagbista ag sa mga masunod nga matabu.
