Nagpahayag ro dating Alliance of Concerned Teachers Party-list Representative Franz Castro sa kontrobersyal nga pahayag ni Presidential Communications Secretary Claire Castro nahanungod sa mga maestra.
Suno kay Castro, nasakitan ro mga maestra sa pahayag nga may mga maestra nga nagaturo it pagkaduea it respeto sa mga inunga.
Dugang ni Castro, kinahangean raya nga klaruhon ni Secretary Castro, bangod uwa it maestra nga nagaturo sa estudyante nga magin bastos ukon mangin uwa it respeto.
Ginpunto man ni Castro nga kon may mga insidente it pagkaduea it respeto, dapat raya matur-an ag ma-redirect ro pamatasan it mga inunga imbes nga basueon ro bilog nga grupo it mga maestra.
Suno pa kay Castro, dapat man nga magpahayag ro Department of Education ukon DepEd bilang amo it mga maestra ag magtao it proteksyon ag klaripikasyon sa isyu.
Samtang, nahanungod sa mga insidente it pagpamaril sa mga eskwelahan, ginpahayag ni Castro nga kinahangean mas hugot ro seguridad sa mga eskwelahan ag pagmonitor sa mga inunga, eabi eon ro mga may problema sa panimaeay, bullying ag iba pa nga warning signs.
Ginpunto man nana ro importansya it insakto nga pagtago it mga armas agud indi raya ma-access it mga inunga ag magamit sa mga insidente it violence.
