KALIBO, Aklan–Gin-insister ni dating Banga mayor Antonio “Antong” Maming nga may legal sanda nga baeasihan sa pag-operate it Peryahan ng Bayan sa probinsiya it Aklan.
May nagakaigo sigon imaw nga papeles halin sa Globaltech Mobile Online Corporation ukon GMOC angot sa legalidad it andang operasyon.
Gintumod kara ro status quo ante order it Court of Appeals nga may petsang enero 14, 2019 nga nagapabor sa anang operasyon rason nga indi sanda pwedeng baeabagan it PCSO.
Samtang, ginklaru man ni Maming nga owa it kamatuoran ro alegasyon it tagreklamo nga si Mr. Reynaldo Emperado, dating operation/area manager it peryahan games sa Ibajay ag Malay.
Gindugang pa kara nga bukon eon nanda it empleyado si Emperado rason nga owa raya it saeabton sa mga nagakatabu partikular ro pag-aresto it mga otoridad sa andang mga manugpataya sa malay ag boracay ko nagtaliwan nga adlaw.
Tuyo eamang sigon nana nga makabulig sa mga pumueuyu nga mataw-an it trabaho.
Owa suno kana imaw it saeabton sa pag-aresto sa daywang gina-alegar nga manugpataya nanda sa Malay ag Boracay bangud nga raya hay gin recruit ni emperado ag owa man gina-remit kanda ro mga taya.
Makabig sigon nga bokis si Emperado.
