KALIBO, Aklan–Ginkumpirma ni dating Banga mayor Antonio ‘Antong’ Maming nga magaretiro eon imaw sa pulitika.
Suno kana nga indi eon imaw magapadaeagan sa anumang posisyon sa gobyerno sa baylo hay magasuporta eon lang sa anang mga amigo ag kapartido.
Gindugang pa kara nga naintindihan nana ro kawsa it anang mga kasimanwa nga naga-engganyo kana nga uman nga magpadaeagan bilang alkalde it nasambit nga banwa.
Apang ro tanan sigon nga tawo nga nagaka-edad eon hay dapat nga magretiro ag mag-move on.
Ginpabugae pa ni Maming nga kat imaw ro nagdumaea sa banga hay nakita it mga pumueuyu kon paalin imaw nga magtrabaho rason nga naging maayos ag abu ro anang mga naging proyekto.
Sa pihak nga parte, bukas sigon ro anang misis nga si incumbent Banga mayor Erlinda Maming sa posibilidad nga maging running mate it sin-o man nga gustong magpadaeagan nga mayor it banwa.
“No comment” man imaw sa mga naga-ugong nga balita nga magapa-ilihir bilang banga mayor si Board member Nemesio Neron.
Kinamatarung sigon raya it tanan basta nga kwalipikado ag sensiro ro intensyon sa nasambit nga posisyon.
