-- ADVERTISEMENT --
NATIONAL News — Nagtaliwan eon sa pihak nga kinabuhi sa edad nga 86 anyos ro dating commissioner it Commission on Elections (COMELEC) nga si Virgilio Garcillano.
Suno sa anang pamilya, gulpi eon lang nga natumba samtang una sa sueod it andang comfort room ko gabi-i it Sabado si Garcillano.
Una sa andang farmhouse ro dating opisyal sa Barangay Imbatug, Baungan, Bukidnon.
-- ADVERTISEMENT --
Naging sikat ro anang pangaean pagkatapos nga nadaeahig sa sangka kontrobersiya sa pag-wiretap ko 2005.
Mabatian ro sangka tawo nga nagtawag kana sa pihak nga linya nga si dating Presidente Gloria Macapagal-Arroyo.
Ro nasambit nga isyu hay may kaangtanan sa canvassing ko 2004 election result kun sa siin nagdaog si Arroyo sa anang kakompetensya nga si Fernando Poe Jr.
