Nakataeanang ipa-deport pabalik it Pilipinas ro dating hepe it anti-vice unit it Davao City Police nga si Royina Garma matapos imaw nga punggan it mga opisyal it U.S. immigration sa San Francisco, California bangud sa kanseladong U.S. visa.
Ginpakigbahin ni Justice Secretary Jesus Crispin Remulla ro balita matapos nga kumpirmahon it anang igmanghod nga si Interior Secretary Jonvic Remulla ro sangka invalid visa.
Gin-abisuhan sigon si Garma angot sa kanselasyon it anang visa samtang idto pa eamang imaw sa Japan antes ro anang byahe paadto it Estados Unidos.
Ginklaro dugang it justice secretary nga ginhold eamang it U.S. immigration custody si Garma ag bukon it gin-aresto kaparehas sa mga naunang balita nga nagguwa.
Samtang, uwa it ginpaguwa nga immigration lookout bulletin ukon hold departure order kontra kay Garma nga makapugong sa anang pagbiyahe sa ibang nasyon.
Madumduman nga sambilog si Garma sa mga tumestigo sa Extra Judicial Killings ag reward system sa kampanya kontra ilegal nga droga kato it administrasyon ni dating pangueong Rodrigo Duterte.
