Nagapamaeabag si dating Kabataan Partylist Rep. Raoul Manuel sa proposisyong pagpanaba it minimum age it Criminal Liability.
Suno kana, sa parte it kabataan eabi eon sa anang dating grupo nga gindumaeahan, uwa man sigon sanda naila nga may mga insidente nga kapareho it natabo sa sangka eskwelahan sa Tacloban City nga imbolbado ro mga menor de edad.
Apang, mageuwas sigon sa criminal liability, dapat man nga taw-an it igtaeupangod ro mga isyu kun haman naubra it mga kabataan ro mga karahasan.
Sambilog sa mga nakikita nga rason hay ro bullying kun sa siin, makabig raya nga valid nga rason kun haman nakakahimo it bukon it manami ro mga kabataan.
Dugang pa nana, dapat nga maid-id nga talakayon ro mga nagiging problema it kabataan, bukon it para nga absweltuhon ro mga nag-gamit it karahasan kundi para nga mausuyan it solusyon ro mga isyu para nga malikawan ro mga masunod pa nga posibleng matabo sa paaeabuton.
Paathag pa ni Manuel, sa presenteng naga-iral nga laye, posibleng manabat ro mga imbolbado biskan naga-edad pa raya it 15-anyos panaba apang, may una eamang nga nag-kaeain-eain nga pamaagi kun paalin raya i-implementar ag bukon it buot hambaeon nga uwa eon sanda it saeabton sa laye.
Dapat sigon mag-angkon it madaeuman nga pag-analisa sa mga makarayang problema para matapna ro karahasan sa mga kabataan.
Samtang, nagpaabot man imaw it pakikisimpatya sa mga naaywanan ng pamilya it mga biktima, pati eon man sa mga naninahan sa nasambit nga insidente.
