KALIBO, Aklan — Nagpaathag ro dating konsehal it Malay, Aklan matapos nga maeakip ro pangaean sa mga dati ag presenteng opisyal nga ginkasuhan it National Bureau of Investigation (NBI) bangud sa anomaliya sigon sa paggamit it koleksyon it environmental fees sa Boracay.
Suno sa dating anchorman it Bombo Radyo Kalibo nga si Jonathan Cabrera haom sigon imaw nga sabton ro nasambitang kaso.
Sa anang facebook post, ginpahayag ni Cabrera nga may una eon nga environmental fee antes pa man imaw naging konsehal ko 2010 hasta it 2013.
Bilang legislator sigon hay uwa imaw it direktang partisipasyon sa koleksyon, pag-remit ag paggastos kara bangud raya hay una sa executive department.
Ginpuna man sigon nanda kato ro treasury department agud maitama ro mga saea nga nakit-an it Commission on Audit (COA) sa andang dag-unang reports ag sundon ro mga rekomendasyon kara.
Dugang pa ni Cabrera nga blangko pa imaw sa kasong ginpasaka kana it NBI bangud uwa pa imaw it nabaton nga kopya kara.
