KALIBO, Aklan–Gindumdum ag ginpakigbahin it sangka dating media practitioner ro anang personal nga experiensiya sa kasagsagan it martial law hasta sa pag-abot it Edsa People Power Revolution.
Suno kay Sangguniang Bayan member Augusto Tolentino nga ko rato nga tiempo kaabuan kanda hay owa nakapatigayon it andang propesyon bangud nga napundo ro andang pagpaeayag sa kahanginan.
Kat gindeklara sigon ro martial law hay masyadong naging malinong ro banwa it Kalibo ag bilog nga probinsiya bangud sa ginpatuman nga curfew.
Mag-eowas kara, ro mga makawaeang grupo nga nagakontra sa rehimeng marcos hay nagpanago sa kahadlok nga mabiktima it torture.
Maskin suno kana ro mga ginaturo sa mga eskwelahan hay dapat nga nakabase sa libro nga gin distribute it gobyerno.
