KALIBO, Aklan —- Balik-kulungan ro sangka dating drug pusher matapos mapamatud-an nga uman nga naeakot sa pagbaligya it iligal nga droga.
Nakilaea ro nagapangunang target it buy-bust operation nga si Edrick Emia Maghari, 26, sangka commissioner, tubong North Poblacion, Larena, Siquijor ag presenteng naga-istar sa Sitio Cabanbanan, Brgy. Manocmanoc, Boracay, Malay, Aklan.
Ginpatigayon ro anti-illegal drug operations kaina it agahon sa nasambit nga lugar.
Nabo-oe sa anang posesyon ag kontrol ro daywang sachet it ginapatihan nga shabu kabaylo it buy-bust money nga P1,000.
Si Maghari hay dati eon nga nadakpan sa kaparehong operasyon ko 2014 ag nakahilway ko 2018 matapos maserbisyuhan ro anang sentensiya.
Uman raya nga ginpaidaeum sa surveillance it mga otoridad bangud sa uman nga pagbalik kara sa pagduso it iligal nga droga.
Samtang, nagpanindugan ro suspek nga planted ro mga items nga narekober kana.
Uman nga magapangatubang ro suspek sa kasong pageabag sa RA 9165 ukon Comprehensive Dangerous Drugs Act of 2002.
Presente imaw nga nakakulong sa lock-up cell it Malay Municipal Police Station.
