Kumpyansa ro Department of Justice nga maibalik eon sa Pilipinas si dating Negros Oriental 3rd District Rep. Arnolfo Teves Jr. halin sa Timor Leste.
Suno kay DOJ spokesperson Mico Clavano, raya hay agud nga atubadngon it dating mamalidha ro patong-patong nga kasong gindihon kontra kana nga may kaangtanan sa pagpatay kay Negros Oriental Governor Roel Degamo.
Ginpahayag pa it opisyal nga ro mga kinahang-eanong requirements para ma secure ro victory sa extradition case hay gindihon sa sueod it 40-day deadline.
Ro kampo mat-a ni Teves hay may 30 days nga deadline para magdihon it Motion for Reconsideration sa Extradition Request kontra kana.
Si Teves ro ginaturo nga utok sa pagpatay kay Degamo ag sa siyam nga iba pang indibidwal ko Marso it nagtaliwan nga dag-on.
Ginpasiguro it Department of Justice nga ro political asylum request ni Teves sa Timor Leste hay inde maka apekto sa anang extradition case.
