KALIBO, Aklan—Pormal eon nga nagdihon it anang kandidatura ro dating Sangguniang Bayan member it New Washington nga si Jessica Panambo bilang alkalde it nasambit nga banwa kaibahan ro anang ka-tandem nga si Molot Quimpo nga nag-file man it kandidatura sa pagka bise-alkalde sa idaeum it Tibyog-Akean ag Nationalista Party.
Kaibahan ni Panambo ro re-eleksiyonistang si Sanggunaing Bayan member Rolly Iquiña ag pito pang konsehal nga puro nagahandum nga magserbisyo sa banwa.
Gindugang pa ni Panambo nga indi magapundo ro ‘Tibyog Akean’ sa pagserbisyo sa publiko ag padayun sanda nga magabulig ag magahatud it serbisyong diretso sa tawo.
Samtang, pagkatapos sigon nga magtambong sa misa, nagtikang ro andang grupo paagto sa cafeteria it Aklan State University, ro venue nga gintaeana it municipal comelec it new Washington para sa pag-file it andang COC.
Makabangga nana sa pagka-alkalde it banwa si incumbent mayor Shimonette Peralta-Francisco.
Nasayuran nga kaibahan si panambo sa nagtau it suporta sa andang grupo sa banwa it kalibo sa pagdihon it COC.
