NATIONAL News — Gindaea sa clinic it International Criminal Court (ICC) detention facility sa The Hague si dating Pangueong Rodrigo Duterte agud nga subaybayan ro anang kondisyon.
Raya ro ginpahayag ni Harry Roque, dating tagapaghambae it Palasyo ag kaparte it anang legal team.
Suno kay Roque, nagkueang sa bueong si Duterte rason nga nagpadaea sanda it anang matuod nga mga bueong kaibahan ro reseta agud nga masiguro nga bukon eang it substitute medicine ro igatau kana.
Mag-eowas kara, nagpadaea man sanda it tsinelas ag medyas para kay Duterte.
Sa anang unang pag-atuabang sa korte, nagpasakop si Duterte sa pagpamati via video link matapos hambaeon ni dating Executive Secretary Salvador Medialdea nga may ginabatyag raya nga sakit.
Apang suno sa presiding judge nga si Iulia Motoc, natumod it doktor it korte nga si Duterte hay una sa maayos nga mental ag pisikal nga kondisyon.
Antes imaw nga daehon sa Netherlands, ginpaguwa it anang unga nga si Veronica “Kitty” Duterte ro medical certificate it dating pangueo, nga nagapakitang tumaas sa 328 ro anang glucose level ag ginrekomendang maospital agud nga malikawan ro komplikasyon it diabetes.
