KALIBO, Aklan — Gusto eamang ni dating Pangueong Rodrigo Duterte nga depensahan ro anang onga nga si Vice President ag Education Secretary Sara Duterte-Carpio kasunod sa mga batikos nga naangkon bangud sa ginhinyo nga confidential ag intelligence fund nga ko ulihi hay ginkakas eon it kongreso.
Raya ro panan-awan ni dating Bayan Muna Partylist representative Carlos Zarate angot sa pagguwa it dating chief executive.
Mag-eowas kara, posibleng gusto nga ipaagi ni Duterte sa kaisog kaparehas ko una kat sa pwesto pa imaw nga ro tanan hay may kahadlok kana rason nga maabong pamisaea ro anang ginbuhian sa mga media interview nga ginpatigayon kana.
Nauna eon nga ginkumpirma it House Small Committee nga andang ginkakas ro confidential funds sa mga government offices ag departments kaparehas it Office of the Vice President ag Department of Education bilang kaparte it Institutional Amendments para sa proposisyong 2024 budget kon sa siin naging unanimous ro andang desisyon nga himuon nga zero budget ro confidential and intelligence funds it pilang ahensiya it gobyerno.
