KALIBO, Aklan — Posibleng makaangkon it 50-50 nga tsansa agud nga mapasugtan it International Criminal Court (ICC) si dating Pangueong Rodrigo Duterte sa anang ginahirit nga interim release ukon temporaryong kahilwayan.
Suno kay Atty. Harry Sucgang, political analyst sa Aklan nga ro nasambit nga tikang hay makabig nga legal technique it abogado ni Duterte para sa kasoehayan it anang kliyente, apang raya hay nakadepende sa discretion it korte.
Paga-usisaon pa sigon it korte kon ro receiving state ukon estado nga haum nga magbaton sa dating pangueo hay makasigurado nga makasipot raya sa mga hearing.
Nasayuran nga naghinyu si Duterte sa ICC it temporaryong kahilwayan paagto sa sangka owa ginpangaeanan nga nasyon.
Nauna eon nga ginpahayag it anang abogado nga si Nicholas Kaufman nga nagpasugot ro nasambit nga nasyon nga batunon si Duterte ag makipagbueuligan sa ICC.
Naaresto si Duterte ko Marso 11 ag gindaea sa The Hague.
Masunod nana nga hearing Setyembre 23 agud nga kumpirmahon ro mga kasong crimes against humanity.
