Pormal nGa nagdihon it anang certificate of candidacy bilang alkalde it syudad it Davao si dating Pangueong Rodrigo Duterte.
Kaibahan kara ro unga nga si Davao City Mayor Sebastian “Baste”Duterte nga ana nga magiging runningmate.
Nagdangop ro mag-ama sang oras bago ro cut-off kat nag-abot ro dating pangueo sa Commission on Electioins Davao District Office.
Gindayaw raya it anang mga supporters sa Magsaysay Park kung siin nakatukod ro Comelec office.
Kadungan man kara nga nagdihon ro mga kandidato it Hugpong sa Tawong Lungsod ro political party nga gintaguyod it dating pangueo.
Ginhambae it dating pangueo nga gusto nana nga magsirbi halin sa umpisa ag siguraduhon nga magiging manami ro Davao makaron kumpara ko nagtaliwan.
Una eon kara hay nagdihon eon man it ana nga uman nga pagkandidato bilang representative it unang distrito it Davao nga si Paolo Duterte.
Samtang ro unga man ni Rep.Paolo Duterte nga si Omar Duterte hay gadaeagan bilang kongresista it ikaywang distrito it Davao.
