-- ADVERTISEMENT --
Kinumpirma ng International Criminal Court (ICC) na nananatiling nakakulong si dating Pangulong Rodrigo Duterte sa kanilang detention center sa The Hague, Netherlands, sa kabila ng mga hindi beripikadong ulat ng kanyang pagpapalaya.
Ayon kay Caroline Maurel ng Public Information and Outreach Section ng ICC, walang pagbabago sa kalagayan ni Duterte at agad itong ipapaalam sa publiko kung siya ay palalayain.
Kamakailan, pinayagan ng ICC Pre-Trial Chamber I ang kahilingan ng kampo ni Duterte na ipagpaliban ang desisyon sa kanyang apela para sa pansamantalang paglaya. Ayon sa inilabas na pahayag, ang deferment ay mananatili hanggang sa may bagong aksyon mula sa depensa o kung kailan ituturing ng korte na nararapat na magpasya.
