Temporaryong ginpaguwa si dating Negros Oriental 3rd District Cong. Arnulfo Teves Jr halin sa Becora Prison sa Dili, Timor Leste.
Si Teves hay nagpabilin sa nasambit nga kulungan para sa anang preventive detention ukon precautionary detention, kasunod sa pagkaaresto kana ko Marso sa Dili.
Nauna eon imaw nga gin-isyuhan it “red notice” it International Police bangud sigon sa anang kaangtanan sa pagpatay kay dating Negros Oriental Governor Roel Degamo ag siyam nga iba pa.
Suno kay Atty Ferdinand Topacio, legal counsel ni Teves, ro dating mamalidha hay ginpahilway antes ro anang extradition bangud nga ro request it gobyerno para sa extradition ni Teves hay uwa nagatugma sa usual practice ag costumary international law.
Suno pa kana, ro pagkakulong kara hay naideklarang iligal.
Ginpahayag dugang nga may una pang pilang mga judicial proceeding nga kanahang-ean agyan ni Teves para sa anang padayon nga pagpabilin sa Timor Leste ag magaumpisa eon raya makaron nga adlaw.
Sigurado sigon ro pagtambong kara ni Teves, kaibahan ro pilang mga testigo, nga ginakaeakipan ni dating Human Rights Commissioner Wilhelm Soriano nga igapresenta bilang human rights expert.
