KALIBO, Aklan—Paga-kwestiyunon ni dating Sangguniang Panlalawigan member Rodson Mayor sa korte suprema ro pagpabilin sa gihapon sa pwesto ni Aklan Governor Florencio Miraflores.
Suno kana nga gin-deny eon it Supreme Court 1st division ro gindihon nga petition for certiorari it gobernador sa pag-insister nga nakapaguwa eon it desisyon ro court of appeals angot sa pag abswelto kana sa parehong criminal ag administratibong kaso.
Raya hay angot sa pagbasura sigon it ombudsman sa 4 counts it corruption charges nga anang ginapangatubang.
Apang suno sa mataas nga korte nga ‘question of facts’ ro anang ginpasaka rason nga ginbasura raya ag ginpabakod ro anang dismissal sa serbisyo.
Samtang, maskin sigon si Executive Secretary Salvador Medialdea hay plano man nana nga kasuhan bangud sa gina alegar nga pagpatunga kara sa kaso.
Makabig sigon nga null and void ro mga desisyon ni miraflores bangud nga dismissed eon raya sa serbisyo.
Madumduman nga si Mayor hay nagapadaeagan bilang kongresista sa Eastern Side sa masunod nga eleksyon.
