KALIBO, Aklan– Ginaeauman nga magasipot si dating US President Donald Trump sa anang arraignment nga nakataeana makaron nga adlaw it Martes.
Suno kay Bombo International Correspondent Greg Aguilar it California, USA nagapangatubang sa 37 nga criminal charges ro dating presidente bangud sa pagtago sigon it mga sensitibong dokumento.
Ro mga dokumentong nakita it US Department of Justice hay ginakaeakipan it national defense information, nuclear secrets ag obstructions.
Kaibahan eon man sa nakasuhan ro close aide ni Trump nga si Walt Nauta bangud sa pagta-o kay Trump it mga dokumento.
Angot kara, uwa it nabatian nga komento maghalin sa kampo ni US president Joe Biden.
Nauna eon nga nakabaehag sa dokumento it korte nga ko Enero 17, 2022 hay kaibahan ni Nauta ro uwa eon ginpangaeanang empleyado ni Trump ag ginbuoe ro 15 kahon halin sa baeay ni Trump.
Nasayuran nga raya ro unang kahigayunan nga maatubang sa federal charges ro dating presidente.
