KALIBO, Aklan—Uwa nakasuhan si dating US president Donald Trump matapos nga ma-abswelto sa ginapangatubang kara nga impeachment complaint.
Suno kay Bombo International Correspondent Boots Felixberto sa Virginia, USA, mayad ro mga defense lawyer ni Trump bangud nga ginhimo nanda ro tanan agud defense mechanism agud nga ma-acquit si Trump.
Uwa napamatud-an nga may kaangtanan si Trump sa natabo nga hub-eag protesta sa capitoll building ko buean it Enero 6.
Uwa napamatud-an nga si Trump ro nagpasimuno sa insurrection nga nagta-o it tensyon sa magtimbang nga kampo bangud nga natabo ro kinagamo sa hana nga pagpungko it presenteng presidente it Estado Unidos nga si Joe Biden.
Una kara, sa resulta it botohan it mga US senators, nakabueo it 43 ro “not guilty” samtang 57 ro “guilty” sa article of impeachment nga incitement of sedition.
Maskin abante ro guilty votes, kinueang ro mga raya nga mabueo ro supermajority ukon two-thirds it mayorya it Senado agud ma-convict si Trump.
