KALIBO, Aklan—Arestado ro daywa ka mga persona kasunod it ginpatigayun nga drug buy-bust operation it gintingub nga pwersa it PDEA-Aklan, PDEU ag Balete PNP kahapon sa Brgy.Calizo, Balete.
Ginkilaea ro mga suspek kanday Bermont Villanueva alyas “Intsik”, 32-anyos, sangka tattoo artist, residente it Brgy. Malogo, New Washington ag Dave Panganiban, 29-anyos, residente it J. Magno Street, Brgy. Poblacion,Kalibo.
Narekober sa posisyon ag kontrol ni Villanueva ro daywa ka mga sachet it ginapatihan nga shabu kabaylo it P1,500 nga buy-bust money.
Antes sanda naaresto, naghana pa nga magpaeagyo si Panganiban matapos nga ginmaneho ro ginasakyang motorsiklo apang insigida man nga naeagas it mga otoridad.
Sa pagrekisa kay Panganiban, narekober sa aang posisyon ro tatlong sachet it suspected shabu nga nakatago sa anang ginasuksok nga sandals.
Sa makarun hay nagahimas eon it maeamig nga rehas sa locked-up cell it Balete Police Station ro daywa ag posibleng magpangatubang sa kasong pag-eabag sa Republic Act (RA) 9165 ukon Comprehensive Dangerous Drugs Act of 2002.
