KALIBO, Aklan–Naka-alerto ro bilog nga pwersa it Highway Patrol Group (HPG) para mapunggan ro pag-abo it kaso it carnapping sa bilog nga Western Visayas.
Suno kay Police Captain Nathaniel Florendo, Provincial Officer it HPG-Aklan nga raya eamang nga unang dominnggo it Marso kat maka-apprehend sanda it daywa ka mga suspek nga imbolbado sa carnapping sa siyudad it Iloilo.
Suno kana, madinaeag-on nandang narekober ro sangka pribadong behikulo sa bahin it Brgy. Caticlan sa banwa it Malay kasunod it andang ginkasa nga intensified anti-carnapping operation.
Nakataeana kunta nga i-transport ro behikulo patabok it Metro Manila apang napunggan raya matapos ro pag-activate it HPG sa andang seaport monitoring sa Caticlan.
Raya sigon hay naka-local alarm sa siyudad it Iloilo kung siin ginhana it mga suspek nga makalusot sa probinsya it Aklan.
Ro mga natungdan nga suspek hay ginpasakaan eon it nagakaigo nga kaso samtang ro behikulo hay nai-turn over eon sa tag-ana.
Sa pihak nga parte, ginpaathag man ni Captain Florendo nga sigidas ro andang pagpatigayun it visitorial inspection sa mga dealers it part it saeakyan kun sa siin gina-usuyan nanda it papeles ro mga 2nd hand engine para masigurado nga raya hay lehitimo.
