KALIBO, Aklan—Nag-apela it suporta si Mary Jane Ote, chaperone it Arnis team it Aklan matapos nga daywa sa andang player nga ginakaeakipan ni Mae Seberdandino ag Sarah Nicole David hay qualified para sa palarong pambansa nga igapatigayon sa Marikina City.
Sanda hay mga gold medalist kaibahan si Suzette Jane Roselo sa hampang nga Arnis sa nagapadayon nga Western Visayas Regional Athletic Association ukon WVRAA Meet 2023.
Angot kara, ginbalikan ni Ote ro naging sakripisyo it mga atleta halin ko buean it Disyembre sa pag-umpisa it andang training kon sa siin nagbunga it madinaeag-on nga resulta ro andang pagtiis ag disiplina sa kaugalingon.
Bangud kara, ginhinyo nana ro uman nga pagsalig it mga ginikanan ag pag-intindi para sa mga atleta kon sa siin sanda ro magarepresentar it rehiyon sa paaeabuton nga national nga sporting events.
Eubus man ro kalipay it mga raya matapos nga makadugang it bueawan nga medalya sa medal standing it team Aklan nga una sa pangatlong pwesto makaron.
