Daywang buean pa antes eubusang maagyan ro ginareklamong karsada sa Brgy. Bacan, Banga–contructor

KALIBO, Aklan—Magadaeagan pa it hasta sa daywang buean antes nga eubusang maagyan ukon maging passable ro ginareklamong karsadahon sa Brgy. Bacan, Banga.

Suno kay Engr. George Rovero, contructor it reblocking project sa nasambit nga lugar nga kinahang-ean it bastante nga tyempo antes buksan ro pihak nga karsada agud nga masigurong mapag-on eon raya.

Ginapahayag nga phase by phase ro andang pag-ubra kung siin aminado man rayang nakaapekto ro mga pag-uean-uean sa pagkadelay it andang trabaho.

Ginpasiguro man kara nga padayun ro andang paghueag agud nga daeayon eon nga matapos ro proyekto.

Nagpangayo man raya it sangkiri nga pagtiis sa mga pumueoyo ag motorista ag gin-insister nga temporaryo eamang ro sitwasyon.