KALIBO, Aklan – – – Naga padayun ro imbestigasyon it Bureau of Fire Protection (BFP) Ibajay matapos nga masunog ro daywang luma ag owa eon naga andar nga bus it Dimple Star sa parking area kara sa Brgy. Pinatuad, Nabas, Aklan.
Mag eowas kara, nasunog man ro mga nakatambak nga kariton.
Gina boebanta nga naga abot sa masobra sa P400,000 ro gin tugang kasamaran it sunog.
Natabo ro insidente bandang alas-10:00 it agahon ag indi pa matumod kun ano ro rason kara.
Naging kontrobersyal ro Dimple star matapos mahueog ro sambilog sa andang bus sa sangka bangin sa Sablayan, Occidental Mindoro nga gin kamatay it 19 katawo ag gin kanina it 21 nga iba pa.
Bangud kara, gin mandu ni Pangueong Rodrigo Duterte nga kanselahon ro prangkisa it Dimple Star Transport nga gina panag iyahan ni Mr. Herbert Napat, sambilog sa mga Sangguniang Bayan member it Nabas ag nauna eon nga nag surrender sa PNP-CIDG kaibahan ro anang misis.
