Daywang hagna nga gin-sponsor ni Aklan 1st District Cong. Marquez, aprubado eon it Committee on Ways and Means

KALIBO, Aklan — Gin-aprubahan eon it Committee on Ways and Means ro daywang hagna nga anang gin sponsor nga ginakabig nga priority LEDAC measures.

Raya hay ginaeakipan it  National Water Resources Management Act ag ro pet bill it anang amang si dating Congressman Carlito Marquez nga Waste-to-Energy Bill.

Suno kay Aklan 1^st District Cong. Jess Marquez nga nakataeana eon nga igabalik  sa natungdan nga komitiba ro nasambit nga mga hagna para sa plenary sponsorship.

Ro National Water Resources Management Act hay sa idaeum it Committee on Public Works and Highways nga sangka importanteng reporma nga nagapabaskog sa pagdumaea, pag-alaga ag proteksyon it water resources it  nasyon agud nga masiguro ro sigidas nga suplay para sa tanan nga mga Pilipino.

Samtang ro Waste-to-Energy Bill hay sa idaeum it committee on ecology, kun  sa siin, sangka makabag-ong tikang nga pag-convert sa basura sa  enerhiya sa pag angkon it masaligan nga kuryente nga nagapabaskog sa seguridad sa enerhiya samtang ginapabilin ro cleaner and greener community.