KALIBO, Aklan—Naugdaw ro daywang ka panimaeay matapos nga nag-eontad ro sunog bandang alas-10:26 kabie sa Sitio Cagban, Brgy. Manoc-manoc, Boracay.
Base sa report, naabo gid ro daywang ka baeay nga human sa light materials nga ginapanag-iyahan nanday Norma Dela Cruz ag certain Jerry.
Suno kay FO3 Jhon Henry Eldisa it Bureau of Fire Protection (BFP)-Boracay nga base sa andang inisyal nga imbestigasyon, naghalin ro kaeayo sa baeay ni certain Jerry nga uwa it tawo kat matabo ro insidente.
Nakabulig sigon sa pagtapna it kaeayo ro pagbu-bo it mabaskog nga uean rason nga uwa eon raya nagkalhit sa andang mga kaeapit-baeay.
Kapin sa P30,000 pesos ro ginatantyang danyos sa nasambitang sunog.
Sa makaron hay padayon pa raya nga ginaimbestigahan it BFP agud nga matumod ro gintunaan it kaeayo.
