KALIBO, Aklan—Nagapangatubang sa kasong qualified theft ro daywang ka mga empleyado it doughnut company matapos nga ginreklamo mismo it andang area manager.
Raya hay matapos nga natukiban ro andang modus nga ginabaligya sa barato nga presyo ro mga old stocks, return ag maeapit eon lang ma-expired nga doughnut sa mga indibidwal nga gustong magbakae.
Suno kay PLt. Ryan Batadlan, hepe it Altavas Municipal Police Station nga naaresto sanday John Rey Bullos, sa legal nga edad it San Enrique, Iloilo ag Errol John Bagatnan, sa legal nga edad it Ajuy, Iloilo sa entrapment operation nga ginpatigayon it pulisya sa nasambit nga banwa.
Unang nataeopangdan ro operasyon it daywa sa banwa it Banga rason nga nakipagcoordinate ro pulisya sa Altavas PNP station rason nga madinaeag-on nga naaresto ro mga raya.
Panugyan ni PLt. Batadlan nga kon gustong magkaon it doughnut hay dapat sa mga convenient store gid magbakae ag inde magsalig sa mga ginabaligya nga barato agud nga inde makompromisa ro ikaayong eawas.
