sangka pares it mga kaeaeakin-an ro nakahimo it tumaeagsahon nga Guinness World Record pinaagi sa pagbaylo it kariton samtang nga nagadaeagan ro andang saeakyan.
Gin-anunsyo it Guinness World Records nga ro driver nga si Manuel Zoldan ag ro tagabaylo it kariton nga si Gianluca Folco ro nakahimo it record para sa “fastest time to change a wheel on a car while driving” sa sueod it sang minuto ag 17 segundos nga ginpatigayon sa set it Lo Show dei Record sa Italy.
Ginpatakilid it driver ro saeakyan nga BMW 3-Series rason nga nakasaka ro anang kaibahan maeapit sa may kariton ag madinaeag-on raya nga nabayluhan samtang nagadaeagan ro saeakyan.
Suno sa Guinness nga naeampasan it daywa ro dating record nga 1 minute and 30 seconds.
