KALIBO, Aklan—Daywang ka mga Aklanon government employee makarun ro semi-finalist sa ginpatigayon nga paindis-indis it national Civil Service Commission ukon CSC.
Ro mga nasambitan nga finalist sa 2021 Search for Outstanding Government Workers hay ginkilaea kanday John L. Alcasarin, administrative aid 1 it local government unit ukon LGU-Numancia ag sambilog sa mga nagpanguna sa Numancia agri-fishery sea turtle conservation and protection project.
Si Alcasarin hay finalist para sa CSC Pag-asa award.
Samtang semi-finalist man si Annalyn Perez, head teacher III it department of education ukon DepEd-Aklan, ag mentor and consultant it Sangguniang Kabataan ag sigaw ng kabaatan coalition.
Suno kay Leo Hamorin, Provincial head it Civil Service Commission ukon CSC-Aklan nga tuyo it nasambitan nga aktibidad nga mataw-an it pasidungog ag pagkilaea ro mga nagatrabaho sa gobyerno nga may mabahoe nga impact ag manaming hinimuan sa publiko.
Tatlo man sigon ro puweding madag-an kara nga award ag raya hay Presidential Lingkod Bayan, Outstanding Public Officials and Employees ukon ro Dangal ng Bayan ag ro CSC Pagasa.
Nasayuran nga mag-euwas sa certificate ag promotion hay may mabatun man nga cash prizes ro mga mapili-an nga magadaog sa nasambitan nga paindis-indis.
