KALIBO, Aklan—Arestado ro daywang ka mga eaeaki sa ginkasa nga entrapment operation it Kalibo PNP, CIDG, PHPT-Aklan, RIU-VI ag Aklan PIU angot sa pagbaligya it baril bandang alas-5:30 kainang hapon sa Brgy. Old Buswang, Kalibo.
Ginkilaea ni Police Major Bellshazzar Villanoche, hepe it Kalibo PNP ro mga suspek nga sanday Michael Franco Yu it Brgy. Pusiw, Numancia ag Odonel Carillo Jr., dating Barangay Kagawad it Brgy. Bulwang, Numancia, parehong sa legal nga edad.
Narekober sa posisyon ag kontrol it mga suspek ro caliber .45 nga baril ag daywang magazine kabaylo it 23, 000 pesos nga buy-bust money.
Ro mga nasambitang suspek hay presenteng nakakulong sa lock-up cell it Kalibo Police Station ag posibleng magpangatubang sa kasong pag-eabag sa Republic Act 10591 ukon Comprehensive Firearms and Ammunition Regulation Act.
