Kalibo Aklan ——–Daywa ro natigayon nga nadakpan it pulisya matapos nga nagpatigayon it illegal nga bueang sa Brgy. Rosario, Malinao.
Base sa report, sa kaabuon it nagpatigayon it bueang hay daywa eamang nadakpan it mga otoridad nga ginkilaeang sanday Jovel Rondario, 34-anyos, residente it Brgy. Navitas ag Helbert Reselba, 31-anyos ag residente it Brgy. Rosario sa nasambit nga banwa matapos nga nagdaeaeagan ro iba kanda.
Narekober sa area to tatlong ka mga manok nga pambueang ag kwarta nga ginamit bilang taya.
Samtang, narekober sa posisyon ag kontrol ni Rondario ro 220 pesos kamana man 860 pesso kay Reselba nga ginasugid nga ginamit bilang taya sa illegal nga bueang.
Ro daywa hay insigidang gindaea sa Malinao Police Station kon sa siin sanda sa makaron temporaryong nakakulong ag nakataeanang magapangatubang sa kasong pag-eabag sa Presidential Decree 449 ukon Illegal Cockfighting Law.
