Namatay ro sangka 75-anyos nga lolo samtang ginabueong sa Aklan Provincial hospital matapos nga makaangkon it pilang ka mga tama it pag pangbuno maghalin sa naging kontra kara kahapon sa may bahin it brgy. Sugnod sa banwa it Malinao.
Ginkilaea ro biktima kay Jalito Victoriano, 75-anyos ag ro naging kontra karang si Danilo Fernando, sa legal nga edad ag parehong residente it nasambit nga lugar.
Sandig sa inisyal nga imbestigasyon it Malinao Municipal Police Station nga parehong sa namatyan sanday Jalito ag Danilo kat nakaangkon it banggi-anay rason nga nagbueun-an ro daywa.
Parehong gindaea sa ospital ro daywa matapos nga makaangkon it maabu nga lastro sa andang nagakaea-eain nga kaeawasan bangud sa andang pagbueun-an.
Samtang, padayon man nga ginabueong si Danilo sa sangka pribado nga ospital matapos nga makaangkon man it maabong lastro sa nakaeain-eain nga parte it anang kaeawasan.
Ro insidente hay padayon pang gina-imbestigahan it Malinao PNP
