Daywang ka mga indibidwal, arestado sa illegal nga bueang sa banwa it Nabas

KALIBO, Aklan—Nagapangatubang sa kasong pag-eabag sa Presidential Decree 449 ukon Cockfighting Law of 1974 ro daywang ka mga indibidwal matapos nga madakpan sa illegal nga bueang sa Brgy. Toledo, Nabas.

Ginkilaea ro mga nadakpan nga sanday Jun Francisco, 41-anyos, residente it nasambit nga lugar ag si Jethro Saloña, 22-anyos ag residente it Brgy. Nagustan sa nasambit nga lugar.

Narekober sa daywa ro daywang pangbueang nga manok ag kapin sa 529 pesos nga taya.

Ginasugid nga maabo ro nagpatigayon it bueang apang daywa eamang ro nadakpan matapos nga nakatimbre pa sa mga raya ro andang look out.