Kalibo Aklan ——-Presenteng nagahimas it maeamig nga rehas sa Nabas Police Station ro daywang ka mga kaeaeakin-an matapos madakpan nga nagapatigayun it illegal logging sa Brgy. Tagroroc, Nabas.
Ginkilaea ro mga suspek kanday Gorteo Zarandin Jr. , 46-anyos ag residente it Brgy. Rizal ag Eufracio Garcia Jr. ,47-anyos, residente it Brgy. Tagroroc sa nasambitang banwa.
Base sa imbestigasyon it pulisya, may una sandang nabaton nga impormasyon angot sa illegal nga aktibidad it daywa sa nasambitang lugar kung sa siin ginabyahe raya paadto it Brgy. Union sakay it sangka top down.
Sa pagresponde it Nabas PNP sa lugar andang nadakpan ro mga raya sa porsyon it Brgy. Unidos ag dikara hay nakumpiska ro masobra 398 board feet it lumber.
Ro mga nasambitang suspek hay posibleng magpangatubang it nagakaigo nga kaso.
