Daywang ka mga rider, nagsunggaban Mabini St., Kalibo

Kalibo Aklan———Nakaangkon it kasakitan ag pila ka mga gasgas sa eawas ro daywang ka motorista matapos nga nagsunggaban sa Mabini Street sa banwa it Kalibo.

Ginkilaea ro mga driver nga sanday Allan Andrade ag Henry Torda, parehong sa legal nga edad ag mga residente it Brgy. Andagao, Kalibo.

Base sa report, samtang nagamaneho si Andrade sa anang behikulo paadto sa Roxas Avenue hay nagsub-eang sanda ni Torda kon sa siin nadueaan ro mga raya it kontrol sa manibela nga gintunaan it andang pagkatumba.

Ro insidente hay ginpakamayad eon lang nga ginparecord sa Kalibo PNp para sa nagakaigong disposisyon.