KALIBO, Aklan—Ginturn-over eon it lokal nga gobyerno it Malay ro daywang ka saeakyan sa Bureau of Fire Protection (BFP).
Suno kay Fire Supt. Nazrudyn Cablayan it BFP-Aklan, ro nasambitang service vehicle hay magamit nanda sa pila ka mga fire prevention activity kaparehas it fire safety inspection, fire drill, fire safety seminar ag inspection sa mga istraktura sa isla it Boracay.
Ro nasambitang behikulo suno kana hay kaparte it 20 percent nga kita it ahensya.
Igacustomize sigon nanda ro behikulo ag pagabutangan it pila ka mga fire equipment agud nga pwedeng magamit nga first responder kapin pa sa mga maisot nga sunog ag inde gilayon makasueod ro mga maeagko nga fire truck it BFP.
Sa makaron suno kana sa haeos 4,000 ka mga establishimento ag istraktura nga may una sa isla it Boracay ag sa mainland Malay hay 50 pa ro uwa nanda nasikyar.
