-- ADVERTISEMENT --
KALIBO, Aklan—Daywang magkaseparadong sunog ro nag-euntad kahapon nga adlaw sa Brgy. Yapak, sa isla it Boracay.
Una kara, nasunog ro sangka panimaeay bangud sa naaywanan nga nakasinding kandila.
Ginpahayag pa ni RB Bachiller it Boracay Action Group (BAG) BFRAV Fire, nga nagbahoe eamang ro kaeayo matapos nga mag-eapta raya sa pilang ka mga kagamitan sa sueod it kwarto.
Sa bulig man it mga residente sa lugar natigayon nga matapna ro kaeayo.
Samtang, pilang oras eamang ro nagtaliwan, nasunog man ro sangka panimaeay maeapit sa mismong natabuan it insidente.
-- ADVERTISEMENT --
Nasayuran nga owa it koneksyon ro daywang ka mga sunog nga nailista sa isla.
Ginpahayag dugang nga ro pangaywang sunog nga nailista hay bangud sa mga electric wiring.
