KALIBO, Aklan—Madinaeag-on nga naaresto it mga otoridad it Balete Municipal Police Station ro daywang akusado nga una sa kategorya it top 1 ag top 2 most wanted person sa municipal level.
Ginpahayag ni Plt. Bienvenido Pintor Jr., acting chief of police it Balete PNP station nga una nandang naaresto si Christian Campo, 20 anyos, sangka grade 7 student sa Sitio Bunayag, Barangay Arcangel Sur, Balete.
Si Campo hay gin-aresto pinaagi sa warrant of arrest sa kasong four counts it Statutory Rape nga may criminal case no. 16385, 16386, 16387 ag 16388 nga ginpaguwa ag ginpirmahan ni Hon. Bienvenido P. Barrios Jr., Presiding Judge of RTC 6th Judicial Region Branch 3 Kalibo, Aklan nga may petsang August 23, 2022 kamana man uwa it gintaeana nga pyansa ro korte para sa anang temporaryong kahilwayan.
Samtang sa pihak nga parte, arestado man ro akusadong si Noriel Zonio it Barangay Feliciano, Balete sa kasong Theft of Large Cattle in relation sa Presidential Decree 533 nga may with criminal case no. 16373 nga ginpirmahan ag ginpaguwa ni Hon. Jemena Abellar Arbis, Presiding Judge of RTC 6th Judicial Region Branch 6, Kalibo, Aklan nga may petsang August 24, 2022 kamana man kapin sa P108, 000 pesos ro gintaeana nga pyansa it korte para sa anang temporaryong kahilwayan.
Sa pihak nga parte, ginpasiguro ni Plt. Pintor sa mga pumueoyo nga 24/7 sanda nga magaobliga sa andang responsibilidad agud nga malikawan nga may magtuhaw nga krimen sa nasambit nga banwa.
Ginpasalig dugang kara ro publiko nga engkaso nga may krimen nga maga-eontad hay igata-o nanda ro kutob sa andang masarangan para maita-o ro hustisya.
