KALIBO, Aklan–Nagapabilin nga confine sa Aklan Provincial Hospital ro daywang ka mga motorista matapos nga magsunggaban kahapon sa national highway nga sakop it Brgy. Linabuan Sur, Banga.
Nakilaea ro mga biktima nga sanday Rosanio Joseph Beseña, 28-anyos, residente it Brgy. Tabayon, Banga ag Lineta Abello, 48-anyos, residente it nasambit nga lugar.
Base sa imbestigasyon it Banga PNP, halin sa direksyon it banwang Kalibo ag magapauli eon kunta sa banwa it Banga si Beseña samtang si Abello hay paadto sa direksyon it Kalibo.
Pag-abot sigon sa nasambit nga lugar hay naghana si Abello nga magtabok sa pihak nga linya kung siin owa kara napan-uhan ro pag-abot ni Besaña rason nga sanda hay nagsunggaban.
Bangud kara, pareho sandang natumba sa ginasakyan nga motorsiko ag nag-angkon it lastro sa nagkaeain-eain nga parte it eawas.
Ro insidente hay madasig man nga ginrespondehan it MDRRMO, Bureau of Fire Protection ag kapulisan.
