Daeayon eon nga naghalin ro daywang Pinoy mixed martial art star sa Team Lakay matapos ro daywang dekada nga pagtinir sa nasambit nga grupo.
Sa magkaseparadong pahayag nanday Kevin Belingon ag Honorio Banario ginkumpirma kara ro paghalin nanda sa grupo nga naging baeay nanda halin kat gintukod raya ko 2006.
Uwa man nasambit kon may plano raya nga maghalin sa ibang koponan.
Suno kay Balingon, maskin sigon ro mga manami nga bagay hay may una nga katapusan apang uwa raya nagakahueogan nga ro mga manami nga umpisa hay inde eon mag-abot pa.
Dugang pa ni Balingon nga nagakasubo imaw nga aywanan ro grupo bangud nga raya ro anang naging panimaeay sa sueod it 16 anyos.
Matapos ro kumpirmasyong ginhimo ni Belingon hay nagpaguwa it pahayag si Banario ag ginpahayag nga maga-umpisa eon ro bag-ong kabanata kara sa kalibutan it combat sports
