BUSINESS News– Matapos ro sangkiri nga rollback sa presyo it produktong petrolyo ko nagtaliwan nga domingo, nagbawi ro mga kumpanya it langis it mabahoe nga dugang makaron nga adlaw it martes.
Suno sa industriya it langis, nagtaas it halin sa P1.80 hasta P2.00 sa kada litro ro ginpatong sa presyo it diesel.
Haeos P1.50 hasta P1.70 kada litro man ro gindugang sa presyo it gasolina.
Suno kay Department of Energy Oil Industry Management Bureau Assistant Director Rodela Romero, masobra sa piso kada litro ro ginsaka sa presyo it gasolina, diesel ag kerosene.
Base sigon sa resulta it andang monitoring sa kalakalan sa world market ko July 10-13, 2023 sigurado ro pag angkon it oil hike bangud sa planong pagbawas it supply it mga mabahoe nga oil exporters rason nga nagtaas ro demand sa mga nagapa-umwad nga nasyon.
Madumduman nga ko July 11 hay nagpatuman it rollback ro mga kumpanya it langis sa andang mga produkto nga 20 sentimos kada litro sa gasolina ag 50 sentimos sa kerosene.
