Gin-engganyo it Department of Budget and Management (DBM) ro publiko nga magpasakop sa proseso it pagpahaum it gobyerno para sa 2024 national budget proposal agud nga masiguro ro responsive nga alokasyon ag mag-contribute sa pag-angkon it mga katuyuan it pag-umwad it nasyon.
Ginpagguwa ni DBM Secretary Amenah Pangandaman ro panawagan nga gusto it ahensya nga magsunod ro budget sa 8-point socioeconomic agenda it gobyerno ag sa Philippine Development Plan (PDP).
Dugang pa kara nga gin-umpisahan eon nanda ro serye it mga konsultasyon sa budget sa mga ahensya it national govyernment ag mga korporasyong ginapanag-iyahan ukon kontrolado it gobyerno, bilang kaparte it pagpahaum para sa pagbaeay it plano para sa masunod nga dag-on.
Una eon nga ginpahayag it DBM nga ginasuportahan it 2024 national budget ro mga katuyuan it administrasyon nga uman nga buhion ro pagkriar it trabaho ag pagbawas it kapigaduhon sa nasyon.
