DBM kumpiyansa nga maipagguwa eon ro pondo para sa P500 cash aid sa masunod nga buean

Ginaeauman nga maipagguwa eon sa masunod nga buean ro pondo it gobyerno para sa P500 monthly subsidy nga igatao sa mga pigadong pamilya, suno sa opisyal it Department of Budget and Management (DBM).

Ginpahayag ni DBM Undersecretary Tina Rose Canda, ro pondo para sa programang ngara hay pagagamiton para sa excess revenues halin sa VAT collections.

Ro nasambit nga cash assistance hay magabuhay it tatlong buean ag  posibleng itao it one-shot bigtime deal nga P1,500.

Samtang, kadungan kara ro service contracting program halin sa Land Transportation Franchising and Regulatory Board, nga magatanyag it libreng sakay sa mga commuter ag direct subsidy sa mga operators ag drivers.