Ginkilaea it Philippine Health Insurance Corporation (PhilHealth) ro De Los Santos Medical Center sa Quezon City bilang kauna-unahang ospital sa Metro Manila nga akreditadong magpatuman it Post-Kidney Transplant Z-Benefit Program.
Sakop it programa ro mga bueong, laboratoryo ag diagnostic tests, follow-up consultations, ag iba pang ginakinahangean nga serbisyong medikal para mabawasan ro gaeastuson it mga kidney transplant recipient sa andang pangmabuhayan nga pag-pabueong.
Base sa datos it National Kidney Transplant Institute ag Department of Health, masobra 12,000 Pilipino ro nag-angkon it end-stage renal disease kada dag-on, samtang 187 kidney transplant recipients it De Los Santos Medical Center ro pwede eon nga makapanipueos sa ginpaeawig nga benepisyo it programa.
