KALIBO, Aklan—Gin-extend hasta sa August 31,2020 ro deadline it pagfile it Statement of Assets, Liabilities and Net Worth (SALN) 2020 it mga natungdan nga government employees ag officials.
Suno kay Ferdinand Macogue it Civil Service Commission (CSC) Aklan, sandig sa Memorandum Circular No. 13 series of 2020 hay ginpaeawig pa it CSC ro pagfile it mga natungdan nga indibidwal it andang SALN.
Ro sambilog sigon kara nga rason hay ro nagapadayon nga pandemya sa bilog nga nasyon.
Nauna eon nga nagta-o it deadline ro ahensya raya nga June 30 apang ginpakamayad gihapon it taeatapan nga taw-an it ligwa ag kahigayunan ro mga empleyado ag opisyales it gobyerno nga matuman ro andang obligasyon sa pagfile ag pagpasa andang SALN.
Sa pihak kara, ginpakamayad dugang it ahensya nga sa online himuon ro oath taking kon sa siin makit-an ro applicant ag administrative officers.
Nasayuran nga ro SALN hay ro annual document kon sa siin ro mga government workers sa Pilipinas mapa-regular ukon temporary man hay kinahang-ean nga makakumpleto ag makasumite it andang SALN.
