Ginaplano it Department of Information and Communications Technology (DICT) nga paeawigon pa ro deadline para sa Sim (subscriber identity modules) card registration it eagpas sa Abril 26.
Raya hay para mataw-an pa it kahigayunan ro mga subscriber nga makapagpalista it andang sim card.
Nasayuran nga 24.54% pa eamang ukon katumbas it 41,471,503 subscribers ro nakapag-parehistro it andang Sim card maghalin sa kabilugang masobra sa 168.9 million subscribers sa bilog nga nasyon.
Sa makaron, una pa sa deliberasyon ro pagpaeawig it SIM registration it panibag-ong 120 diyas.
Una eon nga gintaeana ro deadline it mandatoryong pagparehistro it Sim card sa sueod it 180 adlaw umpisa kat maging epektibo ro SIM Card Registration Act ukon hasta Abril 26, 2023.
Pagapasugtan man it laye ro DICT nga paeawigon ro deadline para sa panibag-ong 120 adlaw kung kinahangeanon.
