KALIBO, Aklan–Nagpagguwa ro pamunuan it Municipal Economic Enterprise Development Office (MEEDO)-Kalibo it sangka Office Order nga nagapaeawig pa it deadline sa pagbayad it mga meat vendor sa andang obligasyon agud nga makapakatay it baboy sa Slaughter House hasta Pebrero 28.
Ginpahayag ni MEEDO-Kalibo Head Mary Gay Quimpo-Joel nga maabu ro nagadangop sa andang opisina para maghinyu nga makaangkon it extension.
Raya hay bangud maabu pang meat vendors ro owa pa natapos sa andang pagbuoe it Mayor’s permit.
Kinahang-ean eamang sigon nga magpakita ro mga raya it pamatuod nga nagaproseso sanda.
Apang, ginklaro man kara nga bukon it sakop it anang ginpagguwa nga office order ro payment nga owa it surcharges.Ro Sangguniang Bayan sigon kara ro magadesisyon kun makaangkon it extension pinaagi sa gahum it sangka ordinansa.
