Gindihon ni Sen. Robinhood “Robin” Padilla nga amiyendahan o taw-an it haega ro Republic Act 2777 o ro Anti-Rape Law para mas pabug-aton ro pinalidad ag e-impon ro death penalty sa mga kasong may “aggravating circumstances.”
Sa Senate Bill 2777 nga ginhaon kara ko Lunes, gusto nga siguraduhon ni Padilla nga maiiba sa mas mabug-at nga penilidad, dapat mang maging “gender-responsive,” ro laye bangod parehong eaeaki ag babaye ro nagiging biktima it sexual assault.
Dugang pa kara, nga base sa pagtuon it Council for the Welfare of Children ag United Nations Children’s Fund (UNICEF) ko 2017 kung siin mas maabo nga eaeaki nga edad 13 hasta 24 ro nakaka eksperyensya it sexual violence kumpara sa babayi.
Sa idaeom it ginproponer nga kasuguan ni Padilla, ro reclusion perpetua hasta it kamatayon hay igataeana kung ro rape hay ginhimo nga may gamit nga deadly weapon o ginhimo it daywa o masubra pang katawo; ro biktima hay masamaran it pinin-ino bangod sa natabo nga rape; may homicide nga natabo sa paghana nga rape; ro rape hay ginhimo kaibahan ro “aggravating or qualifying circumstances” sa artikulo.
